Mirela Kumbaro: Parimi ndotësi paguan nuk mund të mbetet vetëm në letër
E Enjte 28 Gusht 2025, 12:12
Dritare.net
Ministrja e Turizmit dhe Mjedisit, Mirela Kumbaro, prezantoi sot, së bashku me kryeministrin Edi Rama, reformën e re të menaxhimit të integruar të mbetjeve, duke theksuar rëndësinë e përgjegjësisë së kompanive private.
Kumbaro u shpreh se, edhe pse kjo reformë sjell një kosto të shtuar për bizneset, parimi “ndotësi paguan” nuk mund të mbetet vetëm në letër.
“Përmes këtij detyrimi ligjor, kompanitë private – shpërndarës, prodhues apo importues – kanë detyrimin të gjurmojnë, rikuperojnë dhe trajtojnë mbetjet që gjenerojnë vetë, qoftë për riciklim apo vetëtrajtim, me kostot e tyre,” tha ministrja.
Ajo shtoi se ky është një model që ndiqet globalisht dhe se pa përfshirjen e të gjitha palëve nuk mund të arrihet sukses në menaxhimin e mbetjeve. Reforma pritet të forcojë përgjegjësinë e aktorëve ekonomikë dhe të përmirësojë trajtimin e mbetjeve në të gjithë vendin./l.F-dritare.net
-
Rama: Trajtimi i mbetjeve, kapitulli më sfidues për BE. Përfshihuni për suksesin e Shqipërisë
-
Kumbaro prezanton reformën në Menaxhimin e Integruar të Mbetjeve
-
Rama paralajmëron masa për “varrezat” e makinave dhe për harmonizimin me direktivat e BE
-
Rama: Do të krijohet operatori kombëtar për trajtimin e mbetjeve
