Taylor Swift ka shpallur fejesën me partnerin e saj, lojtarin e futbollit amerikan Travis Kelce, duke ndarë një sërë fotosh në Instagram – mes tyre edhe një imazh ku shfaqet unaza.
Postimi shoqërohej nga mbishkrimi: “Mësuesja juaj e anglishtes dhe mësuesi juaj i edukimit fizik po martohen.”
Megjithatë, jo çdo “mësuese anglishteje” mund të përballojë një diamant me vlerë prej gjashtë apo shtatë shifrash. Fansat dhe ndjekësit kanë ndarë mendimet e tyre për propozimin dhe unazën e spikatur.
Unaza e Tayvis
Sipas raportimeve, Kelce ka bashkëpunuar me një argjendar për ta dizajnuar unazën, me një stil të frymëzuar nga epoka vintage, që përkon me estetikën e albumit të ri të Swift, The Life of a Showgirl.
Ekspertë të industrisë e kanë vlerësuar unazën me një çmim nga 500 mijë paund deri në 4 milionë paund. Thuhet se diamanti është 8–10 karatë, një gur i rrallë antik. Gazetarja e bizhuterive Rachael Taylor theksoi se shkëlqimi më i butë i gurit lidhet me faktin se është prerë me dorë dhe jo me makineri.
Ajo shtoi se stili i unazës së Swift ndjek një trend aktual drejt gurëve vintage dhe të mëdhenj, diçka që përputhet me estetikën romantike të këngëtares.
Trendet e reja tek unazat e të famshmëve
Rhona Fitzpatrick, themeluese e Diamond Expert, tha për BBC se tendencat po shkojnë drejt gurëve më të mëdhenj dhe më unikalë.
– Dua Lipa ka zgjedhur një diamant të rrumbullakët mbi një brez ari të trashë.
– Zendaya ka treguar një diamant të vendosur horizontalisht, të pazakonshëm për unazat klasike.
– Georgina Rodríguez, partnerja e Cristiano Ronaldos, mori një unazë ovale të madhe, e vlerësuar deri në 5 milionë dollarë.
“Është një lloj unaze që nuk do ta çoje tek Tesco,” tha Fitzpatrick me humor, duke shtuar se pas fejesës së Rodríguez, disa argjendarë nisën të ofrojnë versione të ngjashme, por me diamante të krijuar në laborator për arsye çmimi.
Rritja e diamanteve laboratorike
Sot, rreth 52% e unazave të fejesës në botë përdorin diamante laboratori. Përveç kostos më të ulët, disa i zgjedhin edhe për arsye etike.
Megjithatë, Rachael Taylor paralajmëron se çështja nuk është aq e thjeshtë. Procesi i prodhimit laboratorik kërkon shumë energji, ndërsa nga ana tjetër ka komunitete që mbështeten financiarisht nga industria e nxjerrjes së diamanteve, megjithëse shpesh ka shqetësime për kushtet e punës.
Diamantet antike, si ai i Swift, gjithashtu ngrejnë pyetje: nuk lidhen me minierat e reja, por askush nuk e di në çfarë rrethanash janë nxjerrë shekuj më parë.
Shumë çifte po zgjedhin të ripërdorin bizhuteri me histori familjare, për të krijuar unaza unike dhe plot kuptim.
Edhe pse nuk dihet nëse unaza e Swift ka një histori të tillë, ajo duket e lumtur me zgjedhjen. Dhe sipas teksteve të saj, unaza nuk është gjithçka./L.F-dritare.net
