Ministria e Shëndetësisë: Shërohen rreth 67% e totalit të të prekurve nga Covid-19
E Diel 3 Maj 2020, 11:11
Dritare.net
Gentiana Qirjako, nga ISHP, gjatë deklaratës së përditshme për media tha se sot janë regjistruar 6 raste të reja me koronavirus, duke e çuar numrin e përgjithshëm të të prekuve në 795.
Qirjako gjithashtu tha se pothuajse 67% e totalit të të prekurve rezultojnë të shëruar.
“Që nga fillimi i epidemisë deri më sot janë konfirmuar pozitivë me COVID-19 në të gjithë vendin 795 qytetarë, por në këto momente pothuajse 67 % e tyre rezultojnë të shëruar.
Gjatë 24 orëve të fundit një tjetër zonë e Shqipërisë rezulton me risk të ulët për transmetim të infeksionit, që është Fieri dhe numri total i të shëruarve shkon në 531.
Sa i përket personave që aktualisht janë aktivë me COVID19, Kruja është në vend të parë me 91 raste, e ndjekur nga Tirana, Kurbini, Shkodra dhe në total janë 233 persona aktivë me COVID19.
Pjesa më e madhe e rasteve aktive po ndiqen nga mjeku i familjes ose janë asimptomatikë, ndërsa momentalisht në dy spitalet COVID, në spitalin infektiv dhe spitalin “Shefqet Ndroqi” janë të shtruar 33 pacientë dhe vetëm 7 prej tyre janë në terapi intensive”, tha Gentiana Qirjako./E.B-dritare.net
- 6 raste të reja me koronavirus, shkon në 795 numri i të infektuarve
- Me rrogën e pandemisë, ky mësues paguan faturat e shërbimeve të nxënësve të tij!
- Nga çadrat, noti, lokalet e hotelet, ja rregullat me të cilat parashikohet të bëhet plazh këtë verë
- Ministrja Balluku sqaron mënyrën e re të riatdhesimit: Ja si do të veprohet!
- Çfarë do të ndodhë me mbrëmjet e maturës? Flet ministrja Shahini
