Zgjatet leja e qëndrimit të ukrainasve në Shqipëri, ja me sa vite!
E Mërkurë 21 Maj 2025, 20:08
Dritare.net
Këshilli i Ministrave i Shqipërisë ka miratuar një vendim të ri që zgjat afatin e qëndrimit për shtetasit ukrainas në Shqipëri nga 3 në 4 vjet. Ky vendim është një ndryshim në Vendimin nr. 169, datë 18.3.2022, i cili përcaktonte afatin e hyrjes dhe qëndrimit të shtetasve të Ukrainës në Republikën e Shqipërisë,
Ky vendim është marrë në përgjigje të zgjatjes së luftës midis Rusisë dhe Ukrainës, e cila ka hyrë në vitin e katërt.
VENDIMI:
NJË NDRYSHIM NË VENDIMIN NR.169, DATË 18.3.2022, TË KËSHILLIT TË MINISTRAVE, “PËR PËRCAKTIMIN E AFATIT TË HYRJES DHE QËNDRIMIT TË SHTETASVE TË UKRAINËS NË REPUBLIKËN E SHQIPËRISË”, TË NDRYSHUAR
Në mbështetje të nenit 100 të Kushtetutës dhe të pikës 2, të nenit 29, të ligjit nr.79/2021, “Për të huajt”, me propozimin e ministrit të Brendshëm dhe të ministrit për Evropën dhe Punët e Jashtme, Këshilli i Ministrave
V E N D O S I:
1. Në pikën 1, të vendimit nr.169, datë 18.3.2022, të Këshillit të Ministrave, “Për përcaktimin e afatit të hyrjes dhe qëndrimit të shtetasve të Ukrainës në Republikën e Shqipërisë”, të ndryshuar, togfjalëshi “… 3 (tre) vjet …” zëvendësohet me “… 4 (katër) vjet …”.
2. Ngarkohen Ministria e Brendshme dhe Ministria për Evropën dhe Punët e Jashtme për zbatimin e këtij vendimi.
Ky vendim hyn në fuqi pas botimit në “Fletoren zyrtare”.,", thuhet në vendim./K.C/dritare.net
