Koalicioni opozitar letër KQZ. Ja çfarë kërkon!
E Martë 20 Maj 2025, 20:08
Dritare.net
Koalicioni opozitar ka depozituar një letër zyrtare në Komisionin Qendror të Zgjedhjeve (KQZ), ku kërkon moscertifikimin e rezultateve të zgjedhjeve të 11 majit, duke ngritur dyshime serioze mbi rregullsinë dhe transparencën e procesit zgjedhor.
Në dokumentin e dorëzuar, përfaqësuesit e koalicionit kërkojnë gjithashtu një auditim të plotë dhe të pavarur të procesit të votimit nga Diaspora, duke theksuar se ka pasur parregullsi të shumta dhe mungesë garancish për votën e emigrantëve shqiptarë.
Sipas opozitës, ky hap është i domosdoshëm për të rikthyer besimin e qytetarëve në procesin zgjedhor dhe për të garantuar që vullneti i votuesve të jetë reflektuar realisht në rezultatet përfundimtare.
Koalicioni thekson se certifikimi i një procesi që, sipas tyre, ka qenë i manipuluar dhe jo gjithëpërfshirës, do të përbënte një goditje të rëndë për standardet demokratike në vend./K.C/dritare.net
