Çfarë tha Adriana Kalaja për fitoren e Jorida Tabakut!
E Martë 20 Maj 2025, 14:02
Dritare.net
Pas zgjedhjeve parlamentare të 11 majit 2025, ku Jorida Tabaku siguroi mbi 20 mijë vota në Tiranë dhe u rendit si kandidatja më e votuar e Partisë Demokratike, Adriana Kalaja, një tjetër kandidate e PD-së në listën e hapur për Tiranën, ka reaguar me akuza ndaj saj.
Në një koment në rrjetin social Facebook, Kalaja e akuzon Tabakun se ka përfituar nga një skemë të mbështetur nga kryeministri Edi Rama dhe oligarkët, duke e quajtur "Sudja e PD-së". Sipas Kalasë, qëllimi i kësaj skeme ishte:
Për të poshtëruar Berishën;
Për të mbuluar blerjen e atyre të vetëve si Sara Mile;
Për të zgjedhur opozitën që do.
Kalaja shton se "E do Rama në krye të PD" .
Këto deklarata kanë nxitur përplasje brenda Partisë Demokratike, duke reflektuar tensionet dhe ndarjet e brendshme pas rezultateve të zgjedhjeve. Deri më tani, Jorida Tabaku nuk ka reaguar publikisht ndaj këtyre akuzave, përveç një mesazhi falënderimi për mbështetësit e saj pas fitores ./L.F-dritare.net
