Nëna e Cassie për Diddy-n: E dhunoi dhe na shantazhoi me video intime
E Martë 20 Maj 2025, 21:09
Dritare.net
Regina Ventura, nëna e këngëtares Cassie Ventura ka dëshmuar gjatë gjyqit federal ndaj Sean "Diddy" Combs. Sipas dëshmisë së saj, në dhjetor 2011, Combs kërkoi 20,000 dollarë nga prindërit e Cassie, duke kërcënuar se do të publikonte video intime të saj nëse nuk i paguanin shumën e kërkuar. Kjo kërkesë erdhi pasi Cassie kishte filluar një marrëdhënie me reperin Kid Cudi, gjë që e zemëroi Combs-in.
Regina Ventura dëshmoi se ajo dhe bashkëshorti i saj morën një kredi mbi shtëpinë për të mbledhur shumën e kërkuar, nga frika për sigurinë e vajzës së tyre. Paratë u transferuan në një llogari të lidhur me Bad Boy Records, por u kthyen disa ditë më vonë pa ndonjë shpjegim. Ajo gjithashtu paraqiti fotografi që tregonin mavijosje në trupin e Cassie, të cilat, sipas saj, ishin rezultat i dhunës fizike nga Combs. Këto dëshmi mbështesin akuzat e Cassie për një marrëdhënie abuzive që zgjati një dekadë, përfshirë kërcënime, shantazh dhe dhunë fizike./K.C/dritare.net
