Këto janë recetat më të shijshme për drekën e Pashkës!

Kur vjen periudha e Pashkës, jo vetëm që nxjerrim nga bufeja pjatancat më të mira e të bukura, por kërkojmë edhe recetat më të shijshme. Dritare.net ju sjell disa nga recetat më të mira për të shtruar në tryezën tuaj në këtë ditë të shenjtë, duke nisur nga kokteji, pjatat kryesore, pjatat shoqëruese, apo ëmbëlsirat.

Koktej: MARGARITA ME LIME

Harrojeni margaritan tradicionale, ky aperitiv me shije të athët është sa e freskët, aq edhe unike.

Shoqëruese: VEZË TË MBUSHUR ME AVOKADO

Veza, si simbol i Pashkëve, duhet të jetë patjetër në drekën e Pashkës. Kjo recetë e thjeshtë, i jep një ndikim tjetër tavolinës, pasi jo vetëm është e shijshme dhe e shëndetshme, është po aq e bukur nga kontrasti i të bardhës me jeshilen.

Shoqëruese: BUKË ME HUDHËR DHE ROZMARINË

Kjo bukë plot aromë dhe shije specifike, do i bëjë të gjithë miqtë e ftuar në drekë, të pyesin se nga vjen kjo erë kaq e shijshme.

Shoqëruese: ASPARAG TË MBËSHTJELLË ME BRUM DHE PROSHUTË

Kjo pjatë, sa e veçantë dhe shumëngjyrëshe, është shumë e shijshme dhe e shëndetshme, veçanërisht përshtatshme nëse keni fëmijë.

Shoqëruese: SALLATË E FTOHTË ITALIANE ME PASTA

Sallata e ftohtë me pasta është një shoqëruese e shkëlqyer, veçanërisht nëse keni miq vegjetarianë. Këtë sallatë mund ta kombinoni si të dëshironi, me perimet e stinës, brokoli, ullinj, spec jeshil e të kuq, fasule, misër. Të gjithë miqtë do mbeten të kënaqur.

Pjatë kryesore: PATATE E PJEKUR ME HUDHËR

Bëni disa vijëzime horizontale mbi patatet e vogla dhe më pas lyejini sipër me gjalpë, hudhër dhe pak pipër të kuq djegës në mënyrë që patatet të përthithin të gjitha aromat. Më pas, piqini në furrë.

Pjatë kryesore: BRINJË QENGJI ME SALCË KERRI

Disa brinjë qengji, të zhytura në një sipërfaqe salce kerri, do jua bëjë festën e Pashkëve të paharrueshme.

Pjatë kryesore: KUNGULL ME SPINAQ DHE KARÇOF

Merrni gjysmën e një kungulli të madh, mbusheni me krem spinaqi dhe karçofi dhe piqeni në furrë. Ëmbëlsia e kungullit kombinuar me spinaqin dhe karçofin, do jua bëjë drekën të veçantë.

Pjatë kryesore: KAROTA TË PJEKURA ME SALCË SHURUPI DHE MUSTARDE

Nuk ka Pashkë pa pak karota mbi tryezë. Salca me shurup dhe mustardë është një kombinim që i jep një shije specifike karotës, veçanërisht të pjekur. Mos e humbisni rastin të keni një pjatë të tillë në drekën e Pashkëve.

Pjatë kryesore: SALMON ME SALLATË PANXHARI DHE SALCË KOSI

Salmoni dhe panxhari, në një pjatë me sallatë jeshile është jo vetëm një ushqim i lehtë, por edhe shumë i shëndetshëm.

Ëmbëlsirë: CUPCAKE ME LIMON DHE BORONICË

Kjo ëmbëlsirë është sa e shijshme, aq edhe shumëngjyrëshe. Jepini pak vitalitet tryezës suaj në këtë drekë./dritare.net