Rama prezanton "Prania Besnike": Askush nuk e humbi pushtetin nga dëgjimi, por dëgjimin nga pushteti
Thursday 30 July 2026, 17:05
Dritare.net
Kryeministri dhe njëherazi kryetari i Partisë Socialiste, Edi Rama, u ka prezantuar drejtuesve politikë të PS një dokument të ri strategjik të quajtur "Prania Besnike", të cilin e cilësoi si aneks të dokumentit "Besa". Rama tha se materiali i ri i kushtohet organizimit të brendshëm të partisë dhe forcimit të saj për mandatin e katërt, ndërsa paralajmëroi se pushteti nuk duhet ta shkëpusë partinë nga qytetarët.
“Dokumentin strategjik ‘Besa’ e keni tashmë në dorë. Ky dokumenti tjetër, që është këtu dhe që e ndaj me ju sot për një diskutim të brendshëm, quhet ‘Prania Besnike’ dhe është aneksi i dokumentit të parë.‘Prania Besnike’ i adresohet vetëm partisë, me synimin për ta vendosur atë në funksion të kthesës së mandatit të katërt. Nëse herën e shkuar fola për qeverisjen, sot do të flas për makinerinë tonë të partisë. Asnjëri nuk e humbi pushtetin nga dëgjimi, të gjithë e humbën dëgjimin nga pushteti, Obama fitoi me lëvizjen më të madhe vullnetare që kishte parë historia e demokracisë amerikane. Mbi 2 mln vullnetarë, ose patronazhistë, si edhe 13 mln adresa njerëzish të lidhur me kauzën. Një muaj pas fitores të cilën askush nuk e parashikoi, ajo lëvizje u ftoh, rrjeti u fut brenda zyrave të administratës dhe u vu në shërbim të axhendës së shtëpisë së bardhë. Protagonistët kryesorë u kthen në zëdhënës të pushtetit të ri dhe kori më masiv i përcjelljes së një mesazhi politik në historinë e Amerikës u tret. 2 vjet më vonë, në zgjedhjet ep ara të me mandatit, makineria që kishte magjepsur botën nuk kishte më jetë. Obama e ka pranuar më vonë si një nga dështimet më të mëdha politike”, tha Rama.
