Rama i përgjigjet Metës: Listat do hapen nga Kuvendi, me ligj, me zakon e me karton!
E Enjte 16 Korrik 2020, 14:02
Dritare.net
Nuk ka vonuar shumë përgjigja e kryeministrit Rama, ndaj Presidentit Meta, i cili tha se heqja e koalicioneve do të bëhet vetëm nëse e vendos populli. Rama shkruan në rrjetet sociale, se kjo nuk bëhet askund me referendum. "Listat do hapen nga Kuvendi i Shqipërisë me ligj, me zakon e me karton", shkruan i vendosur kryeministri.
"IM thotë ndryshimi i sistemit,heqja e koalicioneve,hapja e listave bëhen vetëm me referendum!Askund nuk bëhet referendum për këto çështje. Ndërsa këtu as sistemi s'do ndryshojë,as koalicionet s'do ndalohen,po listat do hapen nga Kuvendi i Shqipërisë me ligj, me zakon e me karton!Sa për modelin lindor, modeli i koalicionit që kemi s'është as perëndimor,as jugor,as verior dhe prandaj nuk gjendet askund në lindje a në perëndirm! Modeli i ri do të jetë gjerman e plotësisht europian, koalicion tamam, me zë, figura e program,jo kosh karavidhesh pa din as iman!"./L.F-dritare.net
