Publikohet çertifikata zyrtare e monarkes/ Ja arsyeja e vdekjes së Mbretëreshës Elizabeth!
E Enjte 29 Shtator 2022, 17:05
Dritare.net
Mbretëresha Elizabeth II vdiq nga "pleqëria", sipas certifikatës së saj të vdekjes, e cila është publikuar nga Rekordet Kombëtare të Skocisë. Certifikata tregon se Mbretëresha vdiq në orën 15:10 më 8 shtator në Kështjellën Balmoral, në moshën 96-vjeçare.
Princesha Anne është regjistruar si personi që jep informacionin për vdekjen e Mbretëreshës. Për “profesionin” e të ndjerës, në formularin zyrtar thuhet: “Madhëria e saj Mbretëresha”. Mjeku që vërtetoi vdekjen në Balmoral në Aberdeenshire ishte Douglas Glass, për të cilin Pallati Buckingham thotë se ishte një apotekar i Mbretëreshës.
Kur ajo ishte gjallë kishte një perde privatësie rreth shëndetit të Mbretëreshës dhe në vdekjen e saj ka mbetur njëfarë kufizimi. Shkaku i vdekjes së saj është regjistruar si “pleqëria”, pa detaje të tjera.
Këshilla e mjekëve mjekësorë është se pleqëria mund të jepet si shkaku i vetëm i vdekjes në disa rrethana shumë të kufizuara, ku mjeku çertifikues është kujdesur personalisht për dikë për një periudhë të gjatë; ku është vërejtur një rënie graduale dhe ku një mjek nuk është i vetëdijshëm për ndonjë sëmundje ose dëmtim të identifikueshëm që kontribuon në një vdekje.
Buckingham Palace kishte njoftuar zyrtarisht vdekjen e Mbretëreshës në orën 18:30, me organizatat e lajmeve në mbarë botën që transmetonin menjëherë njoftimin se: Mbretëresha vdiq paqësisht në Balmoral këtë pasdite. Pati raportime të mëvonshme se kryeministrja Liz Truss ishte njoftuar privatisht në orën 16:30. Kjo certifikatë vdekjeje tregon se Mbretëresha kishte vdekur në orën 15:10, më shumë se tre orë përpara se lajmi të publikohej./BBC/M.K/dritare.net
