SHBA-ja tërhiqet nga armëpushimi në Gaza? Ja çfarë thotë DASH-i
E Enjte 24 Korrik 2025, 21:09
Dritare.net
Shtetet e Bashkuara mbeten të përkushtuara për të arritur një armëpushim në Rripin e Gazës, deklaroi sot zëdhënësi i zëvendësuar i Departamentit të Shtetit, Tommy Pigott, gjatë një konference për shtyp. Megjithatë, ai nuk pranoi të thotë nëse SHBA do të tërhiqet plotësisht nga roli i saj ndërmjetësues në kuadrin e bisedimeve të formatit të Dohas.
“Kjo është një situatë jashtëzakonisht dinamike,” u shpreh Pigott. “Çështja nuk ka qenë kurrë përkushtimi ynë për të arritur një armëpushim. E kemi treguar qartë përfshirjen tonë. Pyetja ka qenë gjithmonë nëse Hamasi është i përkushtuar për një armëpushim.”
Zëdhënësi nuk dha detaje se çfarë bëri që SHBA-ja të konkludonte se grupi po negocionte me mungesë të mirëbesimit.
I pyetur nëse SHBA-ja do të ndërmarrë hapa të tjerë për të rritur ndihmën humanitare për Gazën në mungesë të një armëpushimi, Pigott përmendi sërish punën e Fondacionit Humanitar për Gazën, një organizatë që ka qenë subjekt i kritikave të shumta.
“Në një zonë lufte, asnjëherë nuk është e mjaftueshme,” tha ai. “Pikërisht për këtë arsye po punonim kaq fort për një armëpushim.”
Situata humanitare në Gaza vazhdon të rëndohet, me raportime për vdekje të fëmijëve nga kequshqyerja, si në rastin tronditës të bebes tre muajshe Yehia, e cila vdiq në Spitalin Nasser të Khan Younis më 20 korrik, sipas mjekëve lokalë./K.C/dritare.net
