Blendi Gonxhja: Sa mandate synon PS-ja në Tiranë!
E Premte 4 Prill 2025, 19:07
Dritare.net
Blendi Gonxhja, ministër i Ekonomisë, Kulturës dhe Inovacionit i ftuar në Dekalog nga Roland Qafoku në DritareTV foli për përgatitjet për zgjedhjet e 11 majit. Gonxhja kandidaton për deputet në Tiranë, në listat e hapura. Ministri tha se, PS-ja synon 20 mandate në Tiranë, 12 nga lista e mbyllur dhe 8 nga lista e hapur.
“Vota është e shenjtë, është një mister. Kjo është hera ime e parë që votohem si kandidat për deputet dhe është një ndjesi që të merr frymën. Ne synojmë 20 mandate në Tiranë. 12 nga lista e mbyllur dhe 8 nga lista e hapur. Po pse jo më shumë? Në të gjithë skenarët e mundshëm se sa deputetë do të dalin, ajo që ka rëndësi është si do të gjykojë dhe votojë sovrani. Për ne është e rëndësishme që PS-ja të marrë sa më shumë vota, sidomos vota të reja. Ata që na dëgjojnë duhet të na kuptojnë që unë nuk jam aty për veten time dhe kjo listë është plurale, e pasur dhe përfaqësuese. Ka shumë përmbajtje si listë që të sjellë më shumë vota të reja.”, thotë Blendi Gonxhja në DritareTV./K.C/dritare.net
