New Jork Times: Donald Trump ka paguar zero taksa për 10 vjet
E Hënë 28 Shtator 2020, 08:08
Dritare.net
Në një artikull të publikuar nga gazeta New York Times, thuhet se presidenti amerikan, Donald Trump, për thuajse 10 vjet nuk ka paguar asnjë taksë për të ardhurat e tij. Në 2016 dhe 2017, ai pagoi 750 dollarë për çdo vit, informon dritare.net. Të dhënat tatimore janë mbledhur nga gazeta. Presidenti u përgjigj duke e quajtur një lajm të rremë.
Lajmi u publikua kur Trump ishte gati të niste një konferencë për shtyp për të folur në lidhje me emërimin e gjyqtares Barrett, në Gjykatën e Lartë. Por çështja kaloi në plan të dytë, pasi e gjithë vëmendja shkoi për taksat e tij, informon dritare.net.
Times tha se rishikoi të dhënat tatimore të deklaruara nga Trump dhe kompanitë në pronësi të Organizatës Trump.
Drejtori ekzekutiv i NYT, Dean Baquet, tha se:
"Ne besojmë se qytetarët duhet të dinë sa më shumë të jetë e mundur për udhëheqësit dhe përfaqësuesit e tyre, përparësitë e tyre, përvojat e tyre dhe madje edhe financat e tyre".
Trump, deri më tani ka refuzuar të bëjë publike të dhënat e tij tatimore, pavarësisht kërkesave nga Kongresi.
"Çdo president që nga mesi i viteve 1970 ka publikuar informacione mbi taksat dhe Trump, një nga presidentët më të pasur në historinë tonë, ka thyer këtë traditë", tha Baquet.
Për avokatët e Organizatës Trump, artikulli i NYT është i pasaktë. Në dekadat e fundit shprehen ata, presidenti i ka paguar dhjetëra miliona dollarë taksa personale qeverisë federale, përfshirë miliona dollarë që kur ai shpalli kandidaturën e tij në 2015 për president./L.F-dritare.net
