Hezbollahu ka konfirmuar se një tjetër figurë e lartë e grupit militant, Ali Karki, u vra në sulmin masiv ajror izraelit në Bejrutin jugor të premten. Hezbollah tha se Karki u vra së bashku me liderin e grupit, Hassan Nasrallah.
Karki kishte qenë komandant i forcave të frontit jugor të Hezbollahut vitin e fundit, tha Hezbollah, dhe kishte luftuar në konfrontimet e mëparshme me Izraelin në 2000-ën dhe 2006-ën.
Të dielën, Forcat Mbrojtëse të Izraelit thanë se më shumë se 20 anëtarë të Hezbollahut të rangjeve të ndryshme, të cilët ishin të pranishëm në selinë nëntokësore në Bejrut" ishin vrarë, duke përfshirë Ibrahim Husein Jazini, kreun e njësisë së sigurisë së Nasrallah.
Samir Tawfiq Dib, këshilltar për një kohë të gjatë i Nasrallah u vra gjithashtu, si dhe Ali Naaf Ayoub, përgjegjës për koordinimin e fuqisë së zjarrit të Hezbollahut, sipas IDF.
IDF-ja tha se Jazini dhe Dib "ishin ndër bashkëpunëtorët më të afërt të Nasrallah".
Nuk ka pasur asnjë fjalë nga Hezbollahu për vdekjen e atyre që janë identifikuar të dielën nga ushtria izraelite./K.C/dritare.net
