Na ndiqni edhe në

Ngjarjet e Ditës

Seancë maratonë, kuvendi miraton në parim buxhetin 2027, 80 vota pro dhe 25 kundër

Seancë maratonë, kuvendi miraton në parim buxhetin 2027, 80 vota
Pas 14 orësh seancë maratonë, Kuvendi i Shqipërisë ka miratuar në parim buxhetin e shtetit për vitin 2027, me vlerë rreth 10 miliardë euro. Projektbuxheti mori 80 vota pro nga mazhoranca socialiste, ndërsa 25 deputetë të opozitës votuan kundër, duke e cilësuar atë si “kriminal”.

Socialistët e konsiderojnë buxhetin një instrument për rritjen e investimeve publike dhe forcimin e mbështetjes sociale. Nga ana tjetër, opozita kundërshtoi edhe paketën fiskale për vitin 2027.

Konkretisht, Kuvendi miratoi:

Ndryshimet në ligjin për tatimin mbi të ardhurat: 80 vota pro, 25 kundër.
Ligjin për TVSH-në: 80 pro, 24 kundër.
Procedurat tatimore: 80 pro, 24 kundër.
Ligjin për akcizat: 80 pro, 25 kundër.
Ligjin për strehimin social: 79 pro, 25 kundër dhe 1 abstenim

Pas miratimit në parim, projektbuxheti do të rikthehet në komisionet parlamentare, ku do të shqyrtohet nen për nen dhe mund të pësojë ndryshime nëse pranohen propozimet e opozitës apo kërkesat e institucioneve.

Në përfundim të kësaj faze, buxheti do t'i rikthehet Kuvendit për votimin përfundimtar në tërësi./L.F-dritare.net