Na ndiqni edhe në

Ngjarjet e Ditës

Rama: Mbyllja e derës për investimet e huaja është vetëvrasje ekonomike, nuk do ta lejojmë kurrë

Rama: Mbyllja e derës për investimet e huaja është

Kryeministri Edi Rama, gjatë prezantimit të projektbuxhetit 2027 në Kuvend, deklaroi se Shqipëria duhet të vijojë të tërheqë investime të huaja, duke e cilësuar kundërshtimin ndaj tyre si “vetëvrasje ekonomike”. Rama u shpreh se filozofia e buxhetit të ri është krijimi i më shumë pasurive, për ta shpërndarë atë në mënyrë më të drejtë.

“Në mbyllje dua të them se nuk duhet ta harrojmë për asnjë çast se të gjitha këto mbështetje e investime nuk bien nga qielli. Ato vijnë nga një punë kuptimplotë e shqiptarëve që nuk dalin në TV, e atyre që s’kanë kohë të ulërijnë në Tik Tok, e shqiptarëve që janë të organizuar në ferma e turizëm. Këto vijnë nga një Shqipëri ku rriten investimet e brendshme e të huaja.

Prandaj unë e refuzoj kategorikisht çdo lloj pabesie e poshtërsie në kurriz të këtij vendi që ushqen refuzimin e kundërshtimin ndaj investimeve të huaja. Sot të gjitha vendet e Europës janë në një konkurrencë gjithmonë e më të egër, kush tërheq më shumë investime të huaja. Ne s’jemi vendi kur dera për investimet e huaja hapet, të bëjmë sikur duam të mbrojmë vendin nga investimet. Kjo është vetëvrasje ekonomike që ne nuk kemi për ta pranuar kurrë.

Kjo është filozofia e këtij buxheti të ri, të krijojmë më shumë pasuri për të pasur më shumë mundësi që ta shpërndajmë atë më drejtë. Ndryshe nga sa pëllasin e ulërasin ata që bëjnë sikur nuk kuptojnë, kjo Shqipëri është një Shqipëri tjetër dhe ekonomia shqiptare është më e fortë se asnjëherë tjetër”, deklaroi Rama./L.F-dritare.net