Si ta marr veten pas ndarjes. Psikologia këshillon të renë
E Hënë 17 Nëntor 2025, 13:01
Dritare.net
Përshëndetje Dritare.net dhe psikologe Enertila.
Unë që ju drejtohem jam një vajzë që sapo jam ndarë nga i dashuri dhe jam shumë e zhgënjyer. Të lutem më thuaj si ta kapërcej sa më shpejt këtë situatë. Faleminderit
Psikologe Enertila Bekteshi përgjigjet!
Përshëndetje lexues të Dritare.net
Zhgënjimi është një mekanizëm emocional shumë kompleks. Kapërcimi i një zhgënjimi në zemër ose refuzimi nuk është i lehtë dhe mund të jetë shkatërrues. Zhgënjimi lind nga qëndrimi ynë mendor për t'i atribuar një personi cilësi që në të vërtetë i mungojnë ose i zotëron në një masë më të vogël. Në këtë mënyrë, ne priremi ta mbivlerësojmë dhe idealizojmë personin që duam , duke gjeneruar pritshmëri. Këto do të shpërfillen menjëherë, sepse imazhi që kemi ndërtuar nuk korrespondon me realitetin.
Kështu, personi do të bjerë nga piedestali në të cilin e kemi vendosur dhe do të fillojë zhgënjimi , duke na bërë të vuajmë. Kjo është shpesh dinamika psikologjike pas përfundimit të një marrëdhënieje. Vështirësi në komunikim, mungesa e përkushtimit ndaj marrëdhënies nga partneri, pabesia janë disa nga arsyet e mbarimit të dashurisë. Cilado qoftë arsyeja e ndarjes, shpëtimi nga dhimbja është i vështirë.
Një ndarje mund të çojë në mendime ndërhyrëse të pikëllimit, pagjumësisë, rritjes së kortizolit, mosfunksionimit imunitar dhe madje edhe sindromës së zemrës së thyer. Kjo e fundit është një gjendje që imiton një atak në zemër. Thyerjet e zemrës ndryshojnë në varësi të shumë faktorëve, siç janë mosha e personave të përfshirë, gjendja e tyre psikologjike dhe fizike , ashpërsia e ngjarjes që e shkaktoi atë dhe lloji i marrëdhënies.
E dashur lexuesja jonë në këndvështrimin tim do t’ju sugjeroja të mos përpiqesh të fitosh përsëri dashurinë e personit tjetër. Duhet ta lësh të lirë personin tjetër dashuria nuk mund të detyrohet.Vuajtja duhet të pranohet. Qëndrime të tilla si rezistenca, paraqitja e forcës dhe pretendimi se nuk po ndodh asgjë janë të padobishme. E dashur lexuesja jonë shiko brenda vetes. Hap zemrën tënde dhe shqyrto madhësinë dhe ashpërsinë e plagës.
Ndonjëherë e kupton se në të vërtetë nuk kemi humbur një dashuri të madhe, por se perceptimi ynë ishte njollosur nga të gjitha pritjet që kishim vendosur tek ai. Mos e zgjat dialogun tënd të brendshëm. E dashur lexuesja jonë mos e nënvlerëso veten as fajësimi i personit tjetër gjithashtu nuk ndihmon. Mos e idealizoni personin tjetër, dhe nëse vërtet nuk mundeni, atëherë përpiquni të mbani mend edhe të metat. Lexuesja jonë shmangni kontaktin vazhdimi i zhytjes në jetën e personit tjetër përkeqëson humorin tuaj dhe pengon procesin e përballimit.
Mos e mbyll veten nga bota tako njerëz të rinj, udhëto dhe dil me miqtë. Pasi ta kesh pranuar dhe ta kesh përballuar një zemër të thyer , duhet të kesh besim në ndryshim. Kapërcimi i një ndarjeje mund të jetë një përvojë mësimi. Të mësosh prej saj mund të na lejojë të fitojmë shumë vetëanalizë dhe qartësi rreth vetes dhe të kuptojmë se çfarë lloj personi duam në krah. Shpresoj që këndvështrimi im t’ju ndihmojë sadopak në gjendjen tuaj.
Gjithë të mirat !/dritare.net
