Po më ikën jeta dhe s'bëra asgjë për veten! E reja kërkon ndihmën e psikologes!
E Hënë 10 Nëntor 2025, 13:01
Dritare.net
Përshëndetje Dritare.net dhe psikologe Enertila. Unë që ju drejtohem sot kam nevojë të gjej veten time pasi kam kohë që nuk i kushtohem. Nuk e kuptoj se si koha po më ikën dhe më duket sikur nuk kam kujdes për veten time. Mirëpres këshillën tuaj. Faleminderit.
Psikologe Enertila Bekteshi, përgjigjet!
Përshëndetje lexues të Dritare.net
Secili prej nesh ka nevoja. Ndonjëherë, kujdesi për veten mund të duket i frikshëm, veçanërisht për ata që janë mësuar të vënë gjithmonë nevojat e të tjerëve në radhë të parë, qoftë familja, partnerët apo miqtë. Megjithatë, t'i japësh vetes këtë hapësirë nuk është një akt egoist. Të kujdesesh për veten do të thotë para së gjithash, të dëgjosh veten, të ndalesh për një moment për të kuptuar nevojat e tua fizike dhe emocionale, pa gjykuar. Është një mënyrë për ta dashur veten që përkthehet në veprime konkrete për mirëqenien tënde.
Për ta arritur këtë, është thelbësore të zhvillosh vetëdije më të madhe, duke kultivuar aftësinë për të parë brenda vetes dhe për të njohur vlerat e tua. Ky veprim kërkon kohë dhe mirësi për të pranuar veten. Të mos kujdesesh për veten krijon një ndjenjë boshllëku dhe zhvillohet një dialog i brendshëm kritik nga ku zëri i brendshëm bëhet i ashpër, duke na bërë të ndihemi të paaftë, të papërshtatshëm dhe duke ushqyer frikën në mosqenien në nivelin e duhur.
Të fillosh të kujdesesh për veten mund të duket si një qëllim i madh, por nuk ka pse të jetë i tillë. Shpesh, ndryshimi më i madh fillon me një hap të vogël. E dashur lexuesja jonë të kujdesesh për veten ndonjëherë nuk do shumë. Në këndvështrimin tim kujdesi për veten fillon me një ndryshim në mënyrën e të menduarit.
Një dialog i brendshëm bazuar në vetë dhembshuri dhe mirësi, në vend të kritikës është një veprim që ju ndihmon. Mëso t’i falesh vetes gabimet, duke i njohur ato si mundësi për rritje është një sugjerim i mirë gjithashtu. Lexuesja jonë lidhu me dëshirat e tua dhe pyet veten se çfarë mund të bësh, qoftë edhe në një mënyrë të vogël, për të përmirësuar jetën tënde.
Duke dëgjuar nevojat e tua, ti mund të zbulosh veprime të vogla ditore për të përmirësuar mirëqenien .Ndjekja e një diete të ekuilibruar është një hap i mirë për të kuptuar se si të kujdeseni për veten fizikisht. Bëni aktivitet fizik, blini diçka të re që e ke dëshiruar prej kohësh . Kënaquni me gjeste të vogla kujdesi dhe bukurie. Ndonjëherë, kujdesi për veten estetikisht mund t'ju ndihmojë të ndiheni më në harmoni me imazhin tuaj.
E dashur lexuesja jonë lexo një libër, kalo kohë në natyre dhe tako miq. Kushdo mund të përjetojë momente të të ndjerit i humbur ose i bllokuar , i paaftë për të kuptuar se çfarë dëshiron ose çfarë i duhet. Gjatë këtyre fazave, mund të ndjeni një ndjenjë të përgjithshme shqetësimi, një ndjesi se diçka nuk shkon, por mund të mos dini nga t'ia filloni për t'u ndjerë më mirë. Është një përvojë e zakonshme njerëzore. Shpresoj shumë që këndvështrimi im t’ju ndihmojë sadopak në gjendjen tuaj . Gjithë të mirat !/dritare.net
