Kur do të njihen patentat shqiptare në Gjermani? Ja çfarë thotë Rama!
E Martë 28 Janar 2020, 11:11
Dritare.net
Në konferencën e përbashkët Rama tha se tre çështjet kryesore të diskutuara kanë qenë procesi i rindërtimit pas tërmetit të 26 nëntorit, për perspektivën e integrimit në BE dhe për bashkëpunimin rajonal.
Po ashtu, sot Rama ka sqaruar përmes një postimi në Facebook, se ka diskutuar dhe në lidhje me njohjen e patentave shqiptare në shtetin gjerman.
Kryeministri shkruan se në shkurt vjen një mision nga ministria e transporteve të Gjermanisë, për të bërë një raport në funksion të procedurës që do të kryhet nga qeveria federale për njohjen e patentave.
Ai gjithashtu ka njoftuar se në javët në vijim do të hyjë në procedurën e parlamentit të Greqisë njohja e patentave shqiptare të drejtimit edhe në Greqi.
"Meqënëse disa miqve këtu u ka kaluar pa e vënë re përmbledhja e djeshme nga Berlini dhe vijojnë përsërisin kërkesën për njohjen e patentave të drejtimit në Gjermani, ju informoj të gjithëve se e kam biseduar këtë kërkesë, zyrtarisht të kahershme në fakt, por për herë të parë drejtpërdrejtë me kancelaren dje. Dhe në shkurt vjen një mision nga ministria e transporteve të Gjermanisë, për të bërë një raport në funksion të procedurës që do të kryhet nga qeveria federale për njohjen e patentave?????
Nga ana tjetër, meqë jemi tek kjo temë, jemi njoftuar po dje nga qeveria greke se në javët në vijim do të hyjë në procedurën e parlamentit të Greqisë njohja e patentave shqiptare të drejtimit, siç është dakordësuar në tryezën e dialogut mes dy shteteve tona?????", shkruan Rama./E.B-dritare.net
