Pas Vlorës në Venecia. Dalin fotot e Ivanka Trump
E Enjte 26 Qershor 2025, 17:05
Dritare.net
Pas vizitës në Shqipëri dhe ndalesës mbresëlënëse në qytetin e Vlorës, Ivanka Trump është parë sot në Venecia të Italisë, ku pritet të marrë pjesë në dasmën madhështore të miliarderit Jeff Bezos me Lauren Sánchez.
Ivanka ndau disa foto nga udhëtimi në Venecia, duke treguar një atmosferë elegante dhe festive në qytetin romantik italian, e shoqëruar nga bashkëshorti i saj Jared Kushner. Çifti është ndër të ftuarit VIP në ceremoninë luksoze që po zhvillohet në një nga vendet më ikonike të Evropës.
Kjo paraqitje vjen vetëm pak ditë pasi Ivanka Trump vizitoi Shqipërinë, ku ndaloi edhe në qytetin bregdetar të Vlorës.
Vizita e saj në Vlorë bëri bujë të madhe në mediat shqiptare dhe ndërkombëtare, jo vetëm për natyrën e saj turistike, por edhe për mesazhin pozitiv që përcolli për vendin tonë.
Pas pushimeve të qeta në brigjet e Jonit, Ivanka ka zgjedhur Venecian për të qenë pjesë e një prej dasmave më të komentuara të vitit, duke u konfirmuar edhe një herë si një figurë e njohur në skenën ndërkombëtare, që di të kombinojë elegancën me diplomacinë e heshtur në çdo paraqitje publike.
Vizita e saj në Shqipëri vijon të komentohet gjerësisht, ndërkohë që prania e saj në dasmën e Jeff Bezos shton edhe më shumë vëmendjen për personazhet publikë që e kanë kthyer Ballkanin në një destinacion të preferuar veror./K.C/dritare.net
Δείτε αυτή τη δημοσίευση στο Instagram.
