Historia e dashurisë Bezos-Sánchez, që po kurorëzohet në Venecia!
E Premte 27 Qershor 2025, 21:09
Dritare.net
Në fillim ishte një mesazh. I ndrojtur, i zjarrtë, i ndaluar.
“I dua buzët e tua. Dua të të marr erë.”
Fjalë që nuk ishin për sytë e botës, por që dolën në dritë dhe kthyen një histori personale në një dashuri publike.
Jeff Bezos, njeriu që pushtoi botën me Amazon-in dhe Lauren Sánchez, – pilote, gazetare, producente, nuk nisën thjesht një lidhje. Ata nisën një betejë për të qenë bashkë.
Në fillim të martuar me të tjerë, të rrethuar nga kuriozitet, kritikë dhe shantazhe mediatike, ata nuk u dorëzuan.
Sot, në Venecia, mes kanaleve që pasqyrojnë dritën e shpirtit dhe urave që lidhin brigje e zemra, ata po kurorëzojnë dashurinë e tyre.
Jo thjesht një martesë. Por një triumf. Një “po” e qartë pas një rruge të gjatë e të vështirë.
Venecia nuk është rastësore. Është simboli i dashurive që mbeten, që lundrojnë përtej kohës, që zgjedhin të mos fshihen më.
Kjo është historia e Jeff dhe Lauren. Një histori që nisi në fshehtësi dhe po përfundon në një nga skenat më romantike të botës./dritare.net
