Serbia pagoi 400 milionë euro për të blerë dëshmitarë kundër UÇK-së! Flet ish-luftëtari i UÇK-së!
E Enjte 12 Shkurt 2026, 21:09
Dritare.net
Në një intervistë për emisionin Dekalog nga Roland Qafoku në DritareTV, ish-luftëtari i UÇK-së, Astrit Huskaj foli për procesin e Hagës është besueshmëria e dëshmitarëve dhe origjina e provave të paraqitura nga Prokuroria. Astrit Huskaj, duke cituar deklarata të zyrtarëve të lartë serbë, përfshirë Ministrin e Jashtëm Ivica Daçiq, hedh dritë mbi një operacion masiv financiar të ndërmarrë nga shteti serb për të siguruar dëshmi inkriminuese kundër krerëve të UÇK-së. Shifra tronditëse prej 400 milionë eurosh përmendet si kosto e operacionit për mbledhjen e dëshmive dhe, sipas dyshimeve të ngritura, blerjen e dëshmitarëve.
Nga 213 dëshmitarë të paraqitur në proces, 147 janë shqiptarë, një fakt që Huskaj e cilëson si një njollë të rëndë për kombin, por që sipas tij, shpjegohet me presionin dhe joshjen financiare të orkestruar nga shërbimet inteligjente serbe (BIA). Ai përmend raste konkrete ku individë janë manipuluar për të dhënë dëshmi të rreme, duke u paraqitur si viktima të UÇK-së për ngjarje që nuk kanë lidhje me të akuzuarit. Mungesa e provave materiale është gjithashtu një temë qendrore; Huskaj vë në dukje se përkundër zhurmës mediatike prej dy dekadash mbi 'vrasjet politike' të anëtarëve të LDK-së, asnjë rast i vetëm i tillë nuk u argumentua bindshëm në gjykatë gjatë këtij procesi.
Diskutimi prek edhe natyrën e provave 'cirkustanciale', ku dëshmitarët nuk kanë identifikuar drejtpërdrejt të akuzuarit, por kanë folur për njerëz me maska ose 'bereta të kuqe', duke krijuar një lidhje të dobët kauzale që megjithatë po përdoret për të kërkuar dënime maksimale./dritare.net
