Do ngremë flamurin serb në Prizren! Avokati kallëzon penalisht Ivica Daçiçin
Monday 12 October 2026, 19:07
Dritare.net
Avokati nga Prizreni, Gent Gjini, ka depozituar një kallëzim penal ndaj zyrtarit serb Ivica Daçiç, pas deklaratave të tij për vendosjen e flamurit serb në Prizren dhe rikthimin e politikës së Slobodan Millosheviçit.
Në një intervistë për DritareTV, Gjini tha se i konsideron këto deklarata shqetësuese për sigurinë e Kosovës dhe se ato duhet të shqyrtohen nga institucionet e drejtësisë. Sipas avokatit, retorika e përdorur nuk duhet të justifikohet me fushatën zgjedhore në Serbi.
Avokati kërkoi që Shqipëria të reagojë në forumet ndërkombëtare, duke argumentuar se deklaratat që prekin sigurinë e shqiptarëve në Kosovë duhet të marrin vëmendjen e institucioneve përkatëse.
I pyetur nëse ndihet i kërcënuar personalisht, Gjini u përgjigj se deklaratat e përmendura e shqetësojnë, pasi ai është nga Prizreni, jeton dhe ushtron profesionin e avokatit në këtë qytet./dritare.net
