Babai që vrau vajzën tenton të vetëvritet në burg/ Flet bashkëshortja e tij!

Petrit Lekaj, babai shqiptar që vrau vajzën në Australi, ka tentuar t'i japë fund jetës, në burg. Ai është dënuar me 20 vjet burgim. Ndërkohë sipas mediave të huaja, që e kanë raportuar këtë tragjedi, thuhet se bashkëshortja e tij, e ka vizituar në burg, ndërsa ka komentuar edhe situatën në të cilën është përballur familja e saj.

"Kjo është një tragjedi familjare. Një familje u shkatërrua  nga paaftësia e mjekëve tanë për të diagnostikuar sëmundje mendore. Shpresoj që autoritetet të reagojnë, për të shpëtuar familje të tjera", tha Romina Lekaj.

Në gjykatë Lekaj ka thënë se i kërkoi vajzës për të darkuar së bashku, por me vete mori dhe një thikë.

Gjatë rrugës, në një moment, ai ndaloi makinën dhe filloi që t’i kërkonte llogari vajzës për jetën e shthurur të natës dhe për përdorimin e drogës.

Lekaj është shprehur se e mori thikën për të trembur dhe kërcënuar vajzën e tij Sabrina. Por në debat e sipër, ai e qëlloi për vdekje./L.F-dritare.net