Xi Jinping: Kina, Rusia dhe SHBA-ja të bashkëpunojnë për paqen dhe stabilitetin botëror
Dritare.net

SHENZHEN, 19 nëntor 2026 – Presidenti kinez Xi Jinping u ka bërë thirrje Shteteve të Bashkuara, Kinës dhe Rusisë që të forcojnë bashkëpunimin për përballimin e sfidave globale dhe ruajtjen e paqes e stabilitetit në botë.
Duke folur përpara takimit të shumëpritur trepalësh me presidentin amerikan Donald Trump dhe atë rus Vladimir Putin, Xi theksoi rëndësinë e rolit që këto tri fuqi mund të luajnë në çështjet ndërkombëtare.
“Kina, Rusia dhe Shtetet e Bashkuara duhet të japin shembull në bashkëpunimin për përballimin e sfidave globale, të ruajnë së bashku paqen dhe stabilitetin botëror dhe të japin kontribut më të madh për përparimin e njerëzimit”, deklaroi presidenti kinez.
Takimi trepalësh po zhvillohet në Shenzhen, në kuadër të samitit të liderëve të APEC-ut, ku janë mbledhur tre udhëheqësit e fuqive kryesore botërore.
Deklarata e Xi Jinping vjen në një moment kur marrëdhëniet ndërkombëtare përballen me sfida të shumta, ndërsa vëmendja është përqendruar te mundësia e një koordinimi më të madh mes Uashingtonit, Pekinit dhe Moskës./L.F-dritare.net