Turistët sfidojnë terrenin e vështirë, zgjedhin të shijojnë bukuritë e Alpeve shqiptare
E Shtunë 21 Gusht 2021, 13:01
Dritare.net
Një numër i madh me turistë vendas dhe të huaj e ngjisin Qafën e Valbonës duke shijuar ecjen në mal dhe panoramën e Alpeve. Ai është një shteg i lehtë dhe relativisht i shkurtër. Rreth 15 kilometra rrugë nga Fusha e Gjësë në Valbonë deri në Theth, i cili përshkruhet nga të apasionuarit e ecjes në mal zakonisht për shtatë orë.
Këto male konsiderohen si të padepërtueshme përveç një serie kalimesh që lidhin numrin e vogël të shtëpive në luginat e mëposhtme me botën e jashtme gjatë muajve të verës.
Madhështia e natyrës së paprekur që të ofron kjo zonë nis me praninë e pyjeve të dendura, ku përveç pemëve të larta mbizotëron dukshëm edhe bimësia e ulët me lule shumëngjyrëshe e të rralla në llojin e vet./M.T/dritare.net
