Veza e dëmshme apo e dobishme për shëndetin/ Ja çfarë thonë studimet!
E Diel 4 Tetor 2020, 09:09
Dritare.net
Burimi BBC
Veza është një ndër produktet që rekomandohet më së shumti për t'u ngrënë. Recetat e ndryshme që rekomandojnë dietologët, e kanë patjetër të përfshirë konsumimin e vezës, për shkak të vlerave të saj ushqyese.
"Veza, është një ndër produktet që ka të gjitha vlerat ushqyese që i duhen një organizmi, prandaj rekomandohet shumë", thotë Christopher Blesso, profesor në Universitetin e Connecticut në SHBA.
Kombinimi i saj me produkte të tjera, është një vakt fantastik, që i jep trupit të gjitha vlerat ushqyese. Përshembull, kombinimi me një sallatë.
Së fundmi, kanë qarkulluar edhe teori të pavërtetuara, të cilat mbështesnin idenë se veza të mbron nga koronavirusi. Por nuk ka asnjë provë që e mbështet këtë.
Por për dekada, konsumimi i saj, ka qenë i diskutueshëm, për shkak të përmbajtjes së lartë të kolesterolit. Një e verdhe veze, përmban rreth 185 miligram kolesterol, që është më shumë se gjysma e sasisë ditore që udhëzohet nga dietologët. Kjo sjell dyshime nëse një vezë, në vend që të ndihmojë trupin të marrë vlerat ushqyese, mund të na bëjë dëm!
Kolesteroli, të cilën ne e mendojmë si të dëmshëm për trupin tonë, është i nevojshëm, por është e rëndësishme sasia që marrim.
"Ndërsa kolesteroli në vezë është shumë më i lartë sesa në mish dhe produkte të tjera shtazore, yndyra e marrë nga produktet e tjera, rrit kolesterolin në gjak. Kjo është demonstruar nga shumë studime për shumë vite, "thotë Maria Luz Fernandez, profesore e shkencave në Universitetin e Connecticut në SH.B.A., duke shtuar se hulumtimet e fundit nuk kanë zbuluar asnjë lidhje midis ngrënies së vezëve dhe rrezikut të shtuar të sëmundjeve kardiovaskulare.
Kjo bie ndesh me studimet e mëparshme, të cilat mbështesnin faktin se veza, rrit rrezikun për sëmundjet e zemrës. Një studim i detajuar në Kinë, në vitin 2018, që përfshiu gjysmë milionë të rritur, zbuloi se ata që hanin vezë çdo ditë kishin 18% më pak rrezik për të humbur jetën nga sëmundjet e zemrës. Shumica e hulumtimeve sugjeron që konsumimi i vezëve, jo vetëm që nuk ka asnjë dëm për shëndetin, përkundrazi, sjell përfitime të shumta shëndetësore./L.F-dritare.net
