Kontakto redaksinë English
Na ndiqni edhe në
Na ndiqni në YouTube, në kanalin zyrtar të Dritare TV!

Ngjarjet e Ditës

Protesta në foto

Thursday 23 July 2026, 12:12

Dritare.net

Tensione dhe përplasje janë shënuar gjatë protestës së zhvilluar sot para Kuvendit të Shqipërisë, para nisjes së seancës plenare.

Ndryshe nga protestat e mëparshme, Policia e Shtetit kishte vendosur një perimetër të zgjeruar sigurie, i cili shtrihej nga Rruga e Elbasanit deri te Ministria e Brendshme. Protestuesit u mbajtën disa qindra metra larg hyrjeve të Parlamentit.

Deputetët arritën të futen në Kuvend kryesisht nga hyrja anësore pranë Pedonales, ndërsa u pritën nga protestuesit me thirrje si “Deputetë frikacakë”, “Nuk na përfaqësoni”, “Parlament i krimit”, “Poshtë qeveria”, “Ju erdhi fundi” dhe “Shqipëria kërkon revolucion”.

Më pas, protestuesit hodhën vezë dhe domate në drejtim të efektivëve të policisë. Momenti më i tensionuar u regjistrua pranë hyrjes kryesore të qendrës tregtare “Toptani”, ku protestuesit tentuan të çanin kordonin e sigurisë.

Protestuesit arritën të heqin një pjesë të gardhit metalik, duke u përplasur me efektivët e policisë dhe duke hedhur vezë e domate në drejtim të tyre.

Si pasojë e përplasjeve, 6 efektivë policie mbetën të lënduar, ndërsa një prej tyre pësoi dëmtime në kokë. Shfletoni galerinë për të parë protestën në foto!