Zbulohet autori. Si u vra 51-vjeçari në Durrës!
E Enjte 25 Shtator 2025, 12:12
Dritare.net
Teilor Tivari është autori i vrasjes së 51-vjeçarit në Durrës, ngjarje e cila ndodhi mbrëmjen e djeshme.
Një takim feste i organizuar në apartamentin që viktima e kishte në ruajtje është shndërruar në tragjedi.
Vrasja është zbardhur shpejt nga policia pas dorëzimit të autorit të dyshuar, një prej të njohurve që mbrëmjen e kaluar ka qenë në apartament ku herë pas here viktima ftonte miq dhe konsumonin pije e lëndë narkotike.
Dyshohet se nën efektin e narkotikeve autori i dyshuar një i ri rreth moshës 24-vjeçare ka nisur të godasë viktimën fizikisht e më pas me thike.
Autori, sipas burimeve nga grupi hetimor, nuk njihet si person problematik.
Rreth orës 19:30, shërbimet e Policisë u njoftuan se në një banesë në këtë lagje ishte gjetur pa shenja jete shtetasi Valbon Beqiri, i njohur edhe me emrin Marko Beqiri, 51 vjeç, baba i një djali.
Nga ekspertiza paraprake mjekoligjore, e kryer nga grupi hetimor nën drejtimin e Prokurorisë, rezultoi se viktima kishte shenja dhune dhe plagë të shkaktuara me thikë, të cilat dyshohet se i kanë shkaktuar vdekjen./dritare.net
