Klea Huta mbështet kandidatin e PS: Unë besoj tek ti Eljo Hyska!
E Enjte 25 Mars 2021, 12:12
Dritare.net
Moderatorja e njohur Klea Huta mbështet Eljo Hyskon në zgjedhjet e 25 prillit. Hysko është i 32 në listën e kandidatëve në qarkun e Tiranës. Prezantuesja tregon se të dy ata janë shokë fëmijërie. Të dy të realizuar në profesionet e tyre, Huta shkruan se ëndrra më e madhe e mikut të saj po bëhet realitet dhe ajo është aty për të, për ta mbështetur.
“Ky është Elio, miku im prej vitesh. Kemi qenë shumë të vegjël kur flisnim me passion për ëndrrat. Dhe të dy u realizuam në profesionet tona. Ëndrra më e madhe e tij po bëhet realitet dhe unë jam këtu për ta mbështetur si mikun tim por edhe si një brez i ri, i freskët në botëkuptimin që ka objektiva dhe beson në këtë qytet. Unë besoj te ti Eljo Hyska”, shkruan Huta.
Hysko, kryetari i FRESSH, po angazhohet në njësinë 5 në kryeqytet dhe synimi i tij është që të arrijë pragun për të qenë sërish në Kuvendin e Shqipërisë, falë listave të hapura./L.F-dritare.net
