Atentati ndaj biznesmenit në Shëngjin/ Autori me skafandër motori në kokë dhe jelek fosforeshent!
E Mërkurë 19 Prill 2023, 14:02
Dritare.net
Atentatorët të cilët vranë biznesmenin Ardian Nikulaj në biznesin e tij afër pedonales së Shëngjinit rreth orës 13:30 janë larguar me një motor.
Burime për medie bëjnë me dije se 51-vjeçari Nikulaj ka qenë i vetëm në lokalin e tij “Coral” dhe dyshohet se atentatorët kanë shkuar me motor, kanë qëlluar dhe më pas janë larguar.
Autori ka hyrë me skafandër motori në kokë brenda lokalit i veshur me jelek fosforeshent dhe e ka qëlluar dy herë me pistoletë dhe është larguar me motor.
Janë ngritur pika kontrolli dhe është rrethuar zona ku vijojnë kontrollet për kapjen e autorit apo autorëve./A.ZH-dritare.net
