A të jep stresi dhimbje koke? Si përgjigjet psikologia!
E Hënë 16 Shkurt 2026, 12:12
Dritare.net
Përshëndetje Dritare.net dhe Psikologe Enertila
Unë që ju drejtohem jam një zonjë e cila jam merak për situatën time shëndetësore. Jam e shqetësuar pasi më ndodh që kur jam e stresuar kam dhimbje koke. Kam bërë edhe vizita mjekësore dhe më thonë e ke nga stresi. Të lutem më thuaj diçka. Faleminderit!
Psikologe Enertila Bekteshi përgjigjet
Dhimbjet e kokës nga tensioni është e zakonshme dhe ndonjëherë nënvlerësohen ose minimizohen. Dhimbja e kokës nga tensioni mund të ndodhë e vetme pa qenë shenjë e një sëmundjeje tjetër. Shpesh ndihet si një ndjesi rëndese dhe presioni e lokalizuar në pjesën e prapme të qafës, në ballë ose rreth syve. Kohëzgjatja e sulmeve mund të ndryshojë gjithashtu në formën episodike, dhimbja mund të zgjasë nga 30 minuta deri në 7 ditë , ndërsa në formën kronike mund të bëhet pothuajse e vazhdueshme. Për më tepër, një model i zakonshëm është një dhimbje koke që shfaqet pas zgjimit dhe zgjat gjatë gjithë ditës. Dhimbjet e kokës nga stresi shpesh nuk shfaqen menjëherë, por pas orësh mbajtjeje, kur ngarkesa mendore lehtësohet dhe trupi ul mbrojtjen e tij. Kur ndodh dhimbja e kokës nga stresi, instinkti juaj i parë mund të jetë të kërkoni një qetësues dhimbjesh pa recetë. Medikamente të tilla si paracetamoli, ibuprofeni ose aspirina mund të ofrojnë lehtësim , por është e rëndësishme t'i përdorni ato me kujdes dhe sipas udhëzimeve të mjekut ose farmacistit tuaj.
Në këndvështrimin tim e dashur lexuesja jonë do t’ju sugjeroja të bëni një pushim nga ekranet për të zvogëluar lodhjen e syve. Lexuesja jonë menaxhoni dritën dhe zhurmën në mjedis , duke krijuar një hapësirë më të rehatshme. Vendosni një kompresë të ngrohtë në qafë dhe shpatulla për të relaksuar muskujt . Kryeni ushtrime të buta shtrirjeje të qafës ose lëvizshmërie për shpatullat tuaja. Praktikimi i teknikave të relaksimit , siç është frymëmarrja diafragmatike ose relaksimi progresiv i muskujve ndihmon në uljen e stresit . Angazhimi në aktivitete të lehta dhe të rregullta fizike, ndikon në mirëqenien e përgjithshme. Në këndvështrimin tim e dashur lexuesja jonë për dhimbjen e kokës nga stresi do t’ju sugjeroja psikoterapi , shkuarja në terapi nuk e mohon dhimbjen, por punon për të përmirësuar rregullimin emocional dhe për të mësuar të vendosni kufij për të zvogëluar barrën mendore.
Psikoterapia gjithashtu mund t'ju ndihmojë të njihni dhe transformoni modelet e perfeksionizmit, kontrollit dhe vetëkritikës që mund të kontribuojnë në vazhdimësinë e dhimbjes. Nëse dhimbja e kokës shoqërohet me një humor të depresuar, trishtim të vazhdueshëm ose humbje interesi, është e rëndësishme të vlerësohen dhe trajtohen edhe këto aspekte Të pranosh se dhimbja e përsëritur meriton të adresohet është hapi i parë drejt ndryshimit. Nuk je e dobët lexuesja jonë trupi yt po kërkon ndihmë. Uroj shumë që këndvështrimi im t’ju ndihmojë sadopak në situatën tuaj. Gjithë të mirat/dritare.net
