Kaq thjeshtë/ Ju tregojmë si të përgatisni qumështorin tradicional!
E Martë 14 Qershor 2022, 09:09
Dritare.net
Sot në “Gatuaj në Dritare” do të sjellim tek ju një nga ato ëmbëlsirat që nuk të mërziten kurrë dhe të kthejnë pas në kohë në kujtimet e ëmbla të fëmijërisë.
Ju tregojmë si të përgatisni hap pas hapi qumështorin tradicional!
Përbërësit:
qumësht
3 vezë
1 gotë sheqer
2 lugë miell
2 lugë niseshte
1 filxhan kafe vaj
Receta:
Qumështin e hedhin në një tenxhere të thellë dhe e vendosim të ngrohet në zjarr të ngadaltë. Më pas në një enë hedhim vezët, shtojmë sheqerin dhe me ndihmën e një rrahese trazojmë derisa masa të njëtrajtësohet dhe kokrrizat e sheqerit të shkrihen. Në masën e formuar shtojmë edhe vajin. Më pas shtojmë miellin dhe niseshtenë dhe vazhdojmë trazojmë derisa masa të na lidhet. Pasi masa është bërë kremoze do të shtojmë aty qumështin, i cili tashmë është nxehur dhe do të ndihmojë ta mpiksi masën. Trazojmë vazhdimisht teksa shtojmë qumështin. Më pas në një tave qelqi të cilën e kemi lyer me vaj shtojmë masën e sapoformuar. Furra duhet të jetë e nxehtë dhe pjekim në 250 gradë për 40 minuta. Do shikojmë se qumështori ka marrë sipër atë ngjyrën e bukur të artë. Dekorojmë me pak kanellë, kakao apo çfarë të dëshironi. Qumështori është gati!
Na ndiqni për më shumë receta në Gatuaj në Dritare/M.K/dritare.net
