Futboll/ Mançester United shpall trajnerin e ri

Manchester United ka emëruar Ole Gunnar Solskjaer si menaxher të ri të përhershëm pas një seri rezultatesh të suksesshme si trajner i përkohshëm. Legjenda e klubit kishte marrë përsipër skuadrën, duke zëvendësuar Jose Mourinho në dhjetor pas një sërë rezultatesh të dobëta. Por me norvegjezin në krye, United ka përjetuar një kthim 180 gradë në formën e saj.

Solskjaer ishte i pamposhtur në 11 ndeshjet e para në drejtimin si trajner. Nën drejtimin e tij gjithashtu u prodhua një shfaqje historike në fitoren kundër Paris Saint Germain në raundin e 16-të të Ligës së Kampionëve.

Në 19 ndeshjet e tij kryesore, United fitoi 14, barazoi dy dhe humbi tre, duke shënuar 40 gola dhe duke pësuar 17. Solskjaer ka një përqindje fitoreje prej 73.7%.

United njoftoi të enjten lajmin për emërimin e përhershëm të Solskjaer në rrjetin social Twitter, duke deklaruar: "Ole është në timon"./D.B/Dritare.net