Aksident me 20 makina në Itali, humbin jetën dy persona!
E Hënë 5 Shkurt 2024, 15:03
Dritare.net
Mjegulla është bërë shkak për një aksident të shumëfishtë në autostradë në zonën e Modenës. Nga aksidenti zinxhir kanë humbur jetën 2 persona. 20 automjete janë përfshirë në aksident, ku mes tyre ishin edhe dy transportues makinash. Disa persona janë ndihmuar nga ekipet e kërkim-shpëtimit për të dalë pasi kishin mbetur të bllokuar si pasojë e përplasjes.
Mediat italiane shkruajnë se viktimat janë një çift. Aksidenti i shumëfishtë ka sjellë edhe bllokim të autostradës. Ekipe zjarrfikësish janë dërguar nga qytete të ndryshme në vendngjarje./dritare.net
