Princi William ka hapur zemrën e tij dhe ka folur për mënyrën sesi është ndjerë, kur nëna e tij, princeshë Diana, është ndarë nga jeta. Në dokumentarin për BBC, në lidhje me shëndetin mendor, Duka i Kembrixhit tha se dhimbja që ka ndjerë ka qenë e pakrahasueshme.
Ai tha se njerëzit duhet të flasin për gjendjen e tyre emocionale, pasi asnjë nga ne nuk është robot.
“Mendoj se kur ngel jetim në moshë të vogël, në çdo kohë, por veçanërisht në moshë të vogël, ndjen dhimbje si asnjë dhimbje tjetër. Dhe ju e dini se në jetën tuaj do jetë shumë e vështirë të përballeni me dhimbje më të madhe sesa ajo.”, tha William.
William tha se ngjarje të tilla të bëjnë të lidhesh më shuam me njerëzit që kanë përjetuar të njëjtën gjë.
“Kjo ju sjell afër njerëzve që kanë humbur një njeri të dashur. Kur dëshiron të flasësh me dikë, ti mund ta shikosh në sytë e tyre.”/E.B-dritare.net
