Vallja e Osman Takës në Listën Kombëtare të Trashëgimisë, Rama: Simbol i identitetit çam
Thursday 8 October 2026, 19:07
Dritare.net
Kryeministri Edi Rama ka reaguar pas përfshirjes së Valles së Osman Takës në Listën Kombëtare të Trashëgimisë Kulturore Jomateriale të Shqipërisë. Përmes një postimi, Rama e ka cilësuar vallen si një simbol të identitetit çam, që përcjell ndër breza historinë, krenarinë dhe qëndresën e kësaj tradite. Vallja, e lidhur me figurën e Osman Takës nga Konispoli, dallohet për lëvizjet e saj karakteristike dhe për vlerat e trimërisë, sakrificës, solidaritetit dhe shpirtit të lirë që përcjell.
"Vallja e Osman Takës përfshihet në Listën Kombëtare të Trashëgimisë Kulturore Jomateriale të Shqipërisë
Simbol i identitetit çam, kjo valle mbart historinë, krenarinë dhe qëndresën e një tradite të përcjellë ndër breza. E lidhur me figurën legjendare të Osman Takës nga Konispoli, ajo ndërthur forcën dhe elegancën, duke shprehur trimërinë, sakrificën, solidaritetin dhe shpirtin e lirë.", shkruan Rama./K.C/dritare.net
