Sot seancë plenare dhe protestë para Parlamentit
Thursday 23 July 2026, 08:08
Dritare.net
Kuvendi i Shqipërisë zhvillon sot seancën e fundit plenare, ku pritet të raportojnë shtatë institucione kushtetuese: KLGJ, KLP, KLSH, Prokurori i Përgjithshëm, SPAK, Avokati i Popullit dhe ILD.
Në rendin e ditës është parashikuar edhe shqyrtimi i projektligjit për turizmin. Gjithashtu, do të zhvillohet një interpelancë dhe dy seanca pyetje-përgjigje me ministrin Enea Karakaçi.
Ndërkohë, qytetarët janë mbledhur sot në protestë para godinës së Kuvendit të Shqipërisë. Protesta zhvillohet në ditën e saj të 54-t dhe ka nisur në orën 08:30.
Protestuesit përsërisin thirrjet kundër qeverisë dhe parlamentit. Me pankarta dhe slogane, ata shprehen se nuk ndihen të përfaqësuar nga parlamenti aktual./L.F-dritare.net
