Si ua uruan vipat fëmijëve, ditën e parë të shkollës!
E Hënë 14 Shtator 2020, 12:12
Dritare.net
Sot mijëra fëmijë u rikthyen në shkollë. Shumë vogëlushë u ulën për herë të parë në banka, ndonëse në një situatë aspak të zakontë. Sot është dita e nxënësve, ndaj dhe urimi u takon atyre.
Shumë personazhe të famshme kanë çuar fëmijët në shkollë, disa në klasë të parë.
Kryeministri, Edi Rama postoi një foto të Zahos, me lule në dorë teksa nisej për në shkollë. Ndërsa e ëma, Linda Rama, para nisjes për në shkollë, la lulet për mësuesit mënjanë për të përqafuar të birin. Zaho sot hyri në klasë të parë.
Ministrja e Shëndetësisë, Ogerta Manastirliu krahas fotos me dy vajzat shkruan:
"Emocion dhe përgjegjësi për çdo prind, për të bërë gjithçka ka në dorë, që ky rifillim i shumëpritur të mos cënojë shëndetin dhe mirëqënien e fëmijëve tanë, të familjeve dhe të gjithë komunitetit!"
Ministrja e Ekonomisë, Anila Denaj, në një foto nga nxënësit e shkollës së mes profesionale Hermeann Gmeiner, shkruan: Ndjehem e privilegjuar të jem mes më të mirëve. Në këtë shkollë elitare, mund të aftësohem dhe të praktikoj edhe dijet e marra".
Ministrja e Kulturës Elva Margariti shkruan në rrjetet sociale: "Flasim më shumë me sy me njeri-tjetrin në këto kohë.
U mbusha me energji e pozitivitet nga sytë e fëmijëve që shkëlqenin mbi maska në oborret e shkollave!Suksese e forca, nxënës e mësues në këtë vit sfidash të medha."
Edhe zëdhënësja e qeverisë, Elisa Spiropali ka çuar në shkollë vajzën. Ajo ka postuar një foto me bashkëshortin dhe vajzën, ndërsa i uron suksese.
"Dija është rrugë e vështirë, por e vetmja që të nxjerr në dritë. Suksese mam. Qofsh e lumtur bashkë me shoqet dhe shokët!", shkruan Spiropali.
Deputetja e PS-së, Blerina Gjylameti, e cila një ditë më parë zbuloi se është në pritje të ëmbël, sot ka postuar një foto teksa çon djalin në shkollë.
Gazetarja, Rudina Xhunga i uroi suksesi vajzës së saj, Alana, me këtë foto të ëmbël.
Edhe gazetarja, Ola Bruko i ka çuar fëmijët në shkollë, ndërsa i uron një vit të suksesshëm.
"Ky do të jetë një vit i vështirë, por me përkushtim, vullnet dhe mirësi do t'ia dalim mbanë! Suksese drita e syve të mi dhe të gjithëve fëmijëve.", shkruan Ola.
Gazetarja Fjodora Fjora shkruan në instagram krahas fotos me djalin: "Buzeqeshjet me te lumtura ne bote! Me krahe te lehta e me kurajo biri im. Une do te jem gjithmone me ty".
Mexosopranoja, Vikena Kamenica ka postuar dy foto të vajzës që shkon në shkollë sot dhe shkruan:
"Një vit i çuditshëm shkollor sapo nisi për fëmijët tanë. Edhe pse me maskë, lexohet qartë lumturia."
Bashkëshortja e këngëtarit, Sinan Hoxha i ka uruar një vit të mbarë Ansit, ndërsa poston këtë foto!
Urime ditën e parë të shkollës fëmijë!/K.C/dritare.net/dritare.net
