Shpërndante drogë me gjithë familjen, dënohet 28 –vjeçari

28 –vjeçari Xhani Gjonaj është dënuar pas 4 vjet hetimesh për trafik droge, në Sanremo të Italisë. Më vitin 2012 u arrestua së bashku me babain e tij, Franin, nënën Rita Prelaj, bashkëpunëtorin Artan Pjetri dhe dy gra, Frlore dhe Eva Mirashi, nënë e bijë që dyshohet se kishin transportuar heroinë nga Milano në Sanremo.

Gjonaj mori dënimin më të rëndë prej 5 vjetësh e 6 muajsh. Ndërsa të gjithë të tjerët u dënuan me nga 4 vjet e 4 muaj. Gjonaj konsiderohet si organizatori i trafikut dhe shpërndarjes së drogës. Në operacionin që çoi në arrestimin e tij u sekuestruan 4.5 kg drogë.