Salianji mbron Bashën: Biografia e familjes argument monist
E Martë 4 Korrik 2017, 20:08
Dritare.net
Sipas Salianjit, biografia e familjes është një argument monist dhe shkretim i mendimit. Ai thotë se ndërsa duhet të kishte argument për mënyrën e organizimit apo vendimmarrjen, ndërtohen konspiracione.
STATUSI I SALIANJIT
Biografia e familjes, argument monist, mjerim politik dhe shkretim i mendimit! Lulzim Basha ka përgjegjësi për zgjedhjet dhe e ka marrë përgjegjësinë për zgjedhjet.
Çdo deputet, Ish-deputet, drejtues partie, ish-drejtues të lartë të administratës ka përgjegjësi për zgjedhjet! Se sa dhe se si do ta vlerësojnë me votë anëtarët e PD-së dhe po ashtu analiza e plotë në çdo seksion të Partisë Demokratike.
Ndërsa duhet të kishte argument për mënyrën e organizimit apo vendimmarrjen strukturore, ndërtohen konspiracione dhe akoma më keq i bëhet biografia e familjes si në monizëm, ky është mjerim politik, mungesë argumenti dhe shkretim i mendimit përveçse dëshpërim i papërmbajtur personal!/ dritare.net
