Jessie J ka reaguar për herë të parë pas rikthimit të saj në spital, gjashtë javë pas operacionit për kancerin e gjirit. Këngëtarja britanike 37-vjeçare, e cila u diagnostikua me kancer në muajin qershor dhe u operua me sukses, ka ndarë me ndjekësit e saj në Instagram një mesazh, ku tregon se po përjeton ende dhimbje në kraharor dhe vështirësi në frymëmarrje, por se ndihet më mirë dhe po pushon.
Jessie u shtrua në spital pak orë më parë, për shkak të një infeksioni dhe lëngu në mushkëri. Ajo tregoi se, pas ndërhyrjes kirurgjikale, mjekët ishin të shqetësuar për mundësinë e një trompoze (mpiksje gjaku), por se situata po përmirësohet. Me sarkazëm dhe humor, artistja shkroi në rrjetet sociale: “Më në fund mora një diagnozë: dramatike. Simptomat janë të njëjtat dhe ende nuk di çfarë po ndodh saktësisht. Por sarkazma dhe ndjesia ime për humor janë ende aty.”
Në një video të postuar, Jessie qartësoi se pjesa më e madhe e materialeve që ka publikuar pas operacionit nuk janë të regjistruara në kohë reale, duke theksuar se po përpiqet të fokusohet në shërimin e saj. “Është e rëndësishme për mua që të ndjej sikur e kam lënë pas këtë periudhë. Kam ende dhimbje kur marr frymë, por është më e lehtë tani. Shpresoj që kjo të kalojë, siç kaluan edhe simptomat e tjera,” tha ajo.
Jessie iu përgjigj edhe atyre që komentojnë pamjen e saj duke thënë se “duket e sëmurë”. “Nuk jam e sëmurë, thjesht kështu dukem. Kjo është fytyra ime e zakonshme,” tha ajo me ironi, duke shtuar se ndonjëherë njerëzit harrojnë se çfarë kanë kaluar të tjerët dhe sa e rëndësishme është të jemi të kujdesshëm me fjalët./K.C/dritare.net
