Dje të shkruajtëm dhe mbase nxitohemi që të shkruajmë prapë, se helbete ke punë. Po edhe ne pa punë fare nuk jemi or jo. Ama na ngacmoi një çikë ajo e djeshmja në parlament. E rëndove një çikë gojën po na dhjeve së qeshuri. Ky është djali jonë, thamë. Se joni është edhe Gjiknuri, po skuqet kur flet. Ndërsa ti e ke gjuhën brisk. E di mirë ti si janë ato punët e qejfit se nipi i mirë ngjan nga dajot thonë, dhe ne vlonjatët kemi takuar një çikë qejfli.
Po si ju the atyre të opozitës a më qafsh. Po që e gjete mirë atë punë. Se ja, shiko Lulin, i verdhë gjithë kohën lumëmadhi. Duhet ti themi një çikë asaj nuses së tij, se edhe ajo mbesë e jona është, ta sjelle pak këndej poshtë që të rritet e ti forcohen kockat. Ta mësojmë një çikë të lirojë edhe gojën se është si nuset qëmoti. Aq fjalë sa ka ai me të shara, tek ne i mësojnë vajzat sa iu hapet goja.
Ne, që thua ti jemi mirë. Ky jodi të bën goxha punë. Ndaj bëjmë edhe nga katër e pesë kalamaqër. Se nuk është se nuk kemi ça bëjmë, por ti e di që kjo puna e jodit bën mirë për atë punë.
Ndaj nipçe duku një herë nga fundi i javës, të piqemi e të llafosim. Se të themi të drejtën, këtë rradhë tek ne e hodhe lekun e nuk e mbajte dorën, se nuk ishte vënë një tullë që nga koha e Hysniut.
Vetëm se ke këtë ves muti që i bën punimet në verë. Po lena të kërrejmë ndonjë para në verë a të...., se e di vetë ti. Sikur nuk të del dimri për punë!
Meqë ra fjala, me Benin ça po bën. Se edhe atë dhëndër tonin e kemi.
Nashi po e mbyllim ne. Nga e shtuna hajde se ka dalë edhe karkaleci dhe shiko një herë si po ecin punët. Dhe foli Shpëtimit a i vrarë se nuk është se bëri ndonjë të pa bërë. Morrën të gjithë, mori edhe ai, se ka çiliminj për të rritur.
Të presim/dritare.net
