Pas shortit për anëtarët e KED, Meta: Transparenca është më e rëndësishmja
E Enjte 5 Dhjetor 2019, 13:01
Dritare.net
Sot në presidencë është hedhur shorti për të zgjedhur anëtarët e Këshillit të Emërimeve në Drejtësi. Nga shorti me gogla janë përzgjedhur dy anëtarët e rinj të KED-së nga radhët e Gjykatës Kushtetuese, të cilët do të jenë Fjona Papajorgji dhe Vitore Tusha. Pas kësaj, me anë të një postimi në facebook, presidenti i vendit Ilir Meta, ka reaguar duke shkruar se pas një shorti transparent, tani e rëndësishme është që edhe veprimtaria në vijim, të jetë transparente.
“Pas një shorti tepër TRANSPARENT, tani më e rëndësishme mbetet veprimtaria plotësisht TRANSPARENTE dhe në respekt të ligjit e Këshillit të Emërimeve në Drejtësi (KED) për vitin e ardhshëm”./L.F-dritare.net
