OSBE: Sulmet kundër gjyqtarëve janë sulme të drejtpërdrejta ndaj shtetit të së drejtës
E Hënë 6 Tetor 2025, 17:05
Dritare.net
Prezenca e OSBE-së në Shqipëri ka reaguar për vrasjen e gjyqtarit Astrit Kalaja në Gjykatën e Apelit në Tiranë gjatë një seance gjyqësore të zhvilluar ditën e sotme.
"Jemi thellësisht të tronditur dhe të hidhëruar nga të shtënat me armë brenda Gjykatës së Apelit në Tiranë, që i morën jetën gjyqtarit Astrit Kalaja dhe plagosën dy persona të tjerë.
I shprehim ngushëllimet tona familjes dhe kolegëve të gjyqtarit Kalaja dhe u urojmë shërim të shpejtë të plagosurve.
Prezenca e OSBE-së dënon me forcë këtë akt të dhunshëm. Sulmet kundër gjyqtarëve janë sulme të drejtpërdrejta ndaj shtetit të së drejtës dhe institucioneve demokratike.
Ndërsa rrethanat e plota të sulmit janë ende nën hetim, ne mirëpresim arrestimin e shpejtë të autorit të dyshuar dhe theksojmë rëndësinë e garantimit të vendosjes së drejtësisë përmes një procesi ligjor të plotë e të shpejtë.
Prezenca solidarizohet me komunitetin gjyqësor të Shqipërisë dhe mbetet e përkushtuar të mbështesë përpjekjet që forcojnë sigurinë dhe pavarësinë e sistemit gjyqësor",- thuhet në reagim./K.C/dritare.net
-
Vrasja e gjyqtarit, reagon kryeministri Edi Rama!
-
Çfarë tha autori pasi vrau gjykatësin dhe plagosi babë e bir!
-
Vrasja e gjyqtarit Astrit Kalaja. Reagon policia: Si ndodhi ngjarja!
-
Si e paralajmëroi babai i autorit, vrasjen e gjykatësit të Apelit!
-
Zbulohet autori i vrasjes së gjyqtarit Astrit Kalaja
-
U vra në sallën e gjyqit, kush është gjyqtari Astrit Kalaja!
-
U vra gjyqtari Astrit Kalaja. Kush janë dy të plagosurit në Gjykatën e Apelit, arrestohet autori
-
Vritet në sallën e gjyqit gjyqtari i Apelit, Astrit Kalaja!
