Hapet baza ajrore e NATO-s. Çfarë ndodh sot në Kuçovë!
E Hënë 4 Mars 2024, 08:08
Dritare.net
Baza Ajrore Taktike e NATO-s do të çelet sot më 4 mars. Kjo bazë do të luajë rol kyç në mbështetjen e operacioneve dhe stërvitjeve të NATO-s. Punimet për rikonstruksionin e saj nisën në janar të vitit 2022. Prej asaj kohe është punuar për sistemin e rrethimit dhe të sigurisë e po ashtu të mbrojtjes në perimetrin ku shtrihet kjo bazë.
Gjatë kësaj ceremonie do të marrin pjesë krerët e lartë të shtetit si dhe përfaqësues të aleancës së NATO-s.
Kryeministri Edi Rama ndau këtë mëngjes pamje nga montimi i dronëve Bayraktar, që do të bëjnë fluturimin e parë në ceremoninë e çeljes së bazës së re ajrore të NATO-s sot në Kuçovë.
Nga NATO janë të investuara afërsisht 50 milionë euro dhe më shumë se 5 milionë euro janë investuar nga qeveria shqiptare. Autoritetet shqiptare kanë marrë përsipër ndërtimin e perimetrit të sigurisë dhe rrugëve lidhëse, ndriçimit, vendosjen e kamerave të sigurisë së bazës si dhe të sensorëve të zbulimit të ndërhyrjeve përgjatë rrethimit të bazës.
Baza ajrore e Kuçovës është ndërtuar në vitet 1950, por doli jashtë përdorimit në vitet ’90.
Programi për sot!
07:45 Nisja për në Bazën Ajrore Kuçovë
09:30 Mbërritja në Bazë
10:10 Mbërritja e autoriteteve të larta shtetërore dhe të huaja
10:25 Fillimi i ceremonisë
10:30 Fjala e përshëndetëse e Ministrit të Mbrojtjes Niko PELESHI
10:35 Fjala përshëndetëse e Shefit të Shtabit të Përgjithshëm Gjeneral Major Arben KINGJI
10:40 Fjala përshëndetëse përfaqësueses së NSPA Stacy. A. CUMMINGS
10:45 Fjala përshëndetëse NATO CAOC Torrejon Commander, Lieutenant General Juan
Pablo Sanchez DE LARA
10:50 Fjala përshëndetëse e të Ngarkuarit me Punë të Ambasadës Ameriakne David ËISNER
10:55 Fjala përshëndetëse e Ministrit Turk të Mbrojtjes Yaşar GÜLER
11:00 Fjala përshëndetëse e Ministrit Italian të Mbrojtje Guido CROSETTO
11:05 Fjala përshëndetëse e Kryeministrit të Republikës së Shqipërisë Edi RAMA
11:15 Fjala përshëndetëse e Kryetares se Parlamentit Lindita NIKOLLA
11:20 Fjala përshëndetëse e Presidentit të Republikës së Shqipërisë Bajram BEGAJ./L.F-dritare.net
