E rëndë në Itali/ Adoleshentja gjendet e vdekur! Ish i dashuri: E vrava se më la!
E Mërkurë 28 Maj 2025, 13:01
Dritare.net
Martina Carbonaro, adoleshentja italiane e zhdukur dy ditë më parë (26 maj) në Afragola, në zonën e Napolit, është gjetur e vdekur.
Trupi 14-vjeçares u gjet nga policia italiane në një ndërtesë të rrënuar pranë ish-stadiumit “Moccia” nën një dyshek, shkruan La Repubblica.
Ndërkohë sipas Il Mattino, ka qenë një 19-vjeçar - ish i dashuri i adoleshentes ai që ka kryer aktin makabër. Sipas rrëfimit të tij para hetuesisë i riu citohet të ketë thënë se e kishte qëlluar me gurë disa herë në kokë dhe më pas e fshehu trupin.
Madje Alessio Tucci justifikohet se e vrau pasi 14-vjeçarja e kishte lënë, por ai nuk mund ta pranonte ndarjen.
Kanë qenë pamjet fillmike ato të cilat çuan policinë drejt 19-vjeçarit, pasi një ditë më parë siç raporton një dëshmitare i riu i është bashkuar kërkimeve prindërve të vajzës.
Kujtojmë që vetëm pak muaj më parë në vendin fqinj u regjistrua një rast i i njëjtë ku viktimë mbeti studentja shqiptare Ilaria Sula.
Ashtu si 14-vjeçarja, Ilaria Sula u vra me thikë nga ish i dashuri filipinas Mark Samson, i cili gjithashtu mori pjesë në kërkimet për gjetjen e 23-vjeçares. Samson, pasi e goditi tre herë me thikë në banesën e tij, trupin e 23-vjeçares e futi në një valixhe dhe e hodhi në një zonë pyjore jashtë Romës./E.P-dritare.net
