Çfarë mendoj për sistemin e drejtësisë sot! Flet Prof. Dr. Ismet Elezi!
E Shtunë 5 Prill 2025, 20:08
Dritare.net
Autor i mbi 280 botimeve me një veprimtari shkencore të zhvilluar kryesisht në dy fusha: në të drejtën penale dhe në të drejtën zakonore, profesor doktor Ismet Elezi flet sot në Dritare TV për sistemin e drejtësisë për të cilin ka dhënë një kontribut të paçmuar, kryesisht në hartimin e legjislacionit penal shqiptar.
“Ligjet i kanë bërë klasat sunduese. Ata që kishin nën zotërim pronat, pra të pasurit. Që këtu fillon shkalla e mosbarazisë. Nuk mund të pritet që ligjet të ishin të drejta, për sa kohë autorët e tyre ishin njerëz që kishin privilegje.
Pjesa e varfër e shoqërisë nuk kishte asnjë kompetencë, askush nuk i pyeste për ligjet. Ndaj ligjet flasin për barazi por në themel kjo barazi nuk respektohet.
Ligjet sot janë sipas gjendjes ekonomiko shoqëror. Ishte socializëm që pretendonte barazi për të gjithë, por ligjet ishin marrë nga diku gjetkë. Kështu që ajo barazi ishte në kuptimin abstrakt dhe teorik. Sepse nuk mund të zbatohej barazi në kushtet e pabarazisë shoqërore. Nuk mund të ketë barazi të vërtetë juridike, nëse nuk ka barazi ekonomike. Po flas për barazi të vërtetë sepse barazi formale e kemi, u shpreh profesor Elezi për Dritare TV./L.F-dritare.net
