Dashamir Shehi largohet nga drejtimi i LZHK: Mbaj përgjegjësinë për humbjen!
E Mërkurë 21 Maj 2025, 10:10
Dritare.net
Dashamir Sheshi ka deklaruar largimin nga drejtimi i LZHK-së, duke pranuar përgjegjësinë politike për humbjen e koalicionit “Djathtas për Zhvillim” në zgjedhjet e 11 majit.
“Përgjegjësia bie kryesisht mbi lidershipin e partive opozitare, duke filluar nga Koalicioni Djathtas për Zhvillim. Kjo është një përgjegjësi që e mbaj unë personalisht, sharrën e humbjes dhe për këtë motiv largohem nga drejtimi i Koalicionit për t’i hapur rrugë njerëzve më të rinj sesa unë dhe më energjik.
T’u japim njëherë mirënjohje që na kanë votuar, sadopak që ishin. Janë përballur si njerëz të lirë për disa ide lirie dhe demokracie për alternativën tonë. Zgjedhjet në Shqipëri ishin një lloj farse midis dy partive kryesore, njëra për të mbajtur pushtetin dhe tjetra për opozitën", tha zoti Shehi./L.F-dritare.net
